▶ MohaMed belkhayati | tomobilat | محمد بلخياطي | لبنات عشقو الطوموبيلات

▶ MohaMed belkhayati | tomobilat  | محمد بلخياطي | لبنات عشقو الطوموبيلات

تابع القراءة Résuméabuiyad

▶Mohamed belkhayati | sa7a Sa7 | محمد بلخياطي | معيز تقدمتو

تابع القراءة Résuméabuiyad

▶ محمد بلخياطي | الذيب راه تخوفو النعجة | mohamed belkhayati | Dib rahi tkhwfo na3ja

▶ محمد بلخياطي | الذيب راه تخوفو النعجة |  mohamed belkhayati   |  Dib rahi tkhwfo na3ja

تابع القراءة Résuméabuiyad

يا من صابنا نكون ساوى mohamed belkhayati

يا من صابنا نكون ساوى 

يا من صابنا نكون ساوى ** أنا والي فيه نهوى
نجوزو ليلتنا حلوة ** ويطفا ذا المشهاب
اهنا تطلع لي النشوة ** نزها مع ذا الغزال زهوة
غي نشوفها العين تروى ** نبرا من العذاب
جرحتني بجراح قوة ** قلبي من غرامها تكوى
ما قدرتشي يا الخاوة ** فيها زهري خاب
انجرحت وسال دمي ولجراح هوما سباب غرامي
جرحني يا ناس همي ** قاتل وغدار
( جرحني يا ناس سمي ** قاتل وغدار )
يا طير تدي لها سلامي ** فهمها معنى كلامي
قول لها يا بنت عمي ** قتلوني لضرار
راني شفتك في منامي ** كليتي وكليت من طعامي
ومن بعد صبت الخوخ رامي ** في صدرك احمار
آجي عندي وصارحيني ** وعلى سرك فهميني
وعلاش راكي معذبتني ** وأنا نعشق فيك
عشقتك ربي بلاني ** بسبابك كثرو محاني
تبعتك وشتا داني ** وغلطوني عينينك
راهو عاشق فيك جني ** بسبابك كثرو محاني
راني بين يديك
راهو عاشق فيك جني ** باسمك في قلبي نغني
حنيني يا لغزالة حني ** راني بين يديك
ما ننساكش طول عمري ** إذا نهار سكنت قبري
ويلا مت يجيك خبري ** وتقولي مسكين
عييت صابر طال ضري ** ما ينفع حتى دوا لضري
نتفكر غير فيك

تابع القراءة Résuméabuiyad

شفتها تتبسم من بعد غلطتــــــــــــــــــــــــــــــني mohamed belkhayati

شتا داني نعشق فيها شتا داني

شفتها تتبسم من بعد غلطتــــــــــــــــــــــــــــــني قلتلها هاذ الغلطة طاحت في يد عطشان
شتا داني نعشق فيها شتا دانـــــــــــــــــــــــــــــي شتا داني نعشق فيها نبات سهــــــــــــــــــــراندارت هاذ الغلطة خرجت من دار غاني راه سامح فيها مول الخير شبعــــــــــــــــانحتى جابهالي زهري فالحين واجبـــتـــــــــــــني مين قبلتلي هاذ العدرة وحيد دهشــــــــــــانركبتها فالوطو خفت لا يلحقونــــــــــــــــــــــــــــي كامل هاذ الشي وفاقو بينا العديــــــــــــــــــــــانهي تقولي اذا مت معاك مت هانـــــــــــــــــــــــــــــــي وانا نقول ليها ما تخافي عليك لمــــــــــــــــــــانمازالت الرونو تعفس كوني مهنــــــــــــــــــــــــــــــــــي مازال تلقاي فطيمة تروي لغصـــــــــــــــــــــــــــانبغيت نسأل فيها ليا عندها النكـــــــــــــــــــــــــــــــــــــــوة قالت ما جبتهاش أنايا جيت غاصــــــــــــــــــبحين لزت ليا طلعت لي النشـــــــــــــــــــــــــــــــــــــــــوة دهشوني ذزك العينين والحواجـــــــــــــــــــــــــــــــــــــــبالشعر مخبل والشفاف كي الحلـــــــــــــــــــــــــــــــــــوة تلمستها خويا وشعلت الغوالــــــــــــــــــــــــــــــــــــــــــــ بقبل ما نشعلهم جبرت غير قــــــــــــــــــــــــــــــــــــــــــــــوة مطرح مفرش غير ما يشقاش تتعـــــــــــــــــــــــــبيا الطالب سبب ليا وخوذ قهــــــــــــــــــــــــــــــــــــــــــــــــ ـــــــــــوة لكانش ما عندك حكمة غير جـــــــــــــــــــــــربحل الكتاب عليا اما قلبي تكــــــــــــــــــــــــــــــــــــــــــــــــ ـــــــــــــوا الزين طوعني ياسيدي الله غالــــــــــــــــــــــــــــــــــــــب

تابع القراءة Résuméabuiyad

من الأغاني الحديثة للشيخ محمد بلخياطي يحشم ويخاف mohamed belkhayati

من الأغاني الحديثة للشيخ محمد بلخياطي

يحشم ويخاف

يحشم ويخاف من يدير الشر *** ولي يدير الخير ما يندم 
تحمل يا قلبي وزيد اصبر *** ما تبقاش كل وقت تتألم 
مع النسا راني موالف نكابر *** ما نيش غير اليوم نتعلم 
قل هاذي خيبت بعد النظر *** والله ما كنت ظان تسسلم
كنت زاهي بيها ونفتخر *** مسكنها في القلب تتنعم
كي خدعت هي لي تخسر *** شي لي بناتو كل يتهدم 
يا حسراه وين راح ذاك القدر *** لقد كان من خيالها يحشم 
ومين كشفها وشاف السر *** ولا فيها اليوم يتحكم 
زلجت زلجة وكلش تكسر *** الشرف تمس بعد محترم 
وضيعت ولادها لي قصر *** كان الخير في يدها وحرم
ضيعت ولادها لي قصر *** دعا وعبد الكريم بلقاسم 
وحيد وايمان وياسر *** هيبة ومحمد صالح تحطم 
وشوهت سمعتها أكثر وكثر *** فم تكسر باش تتكلم
***
وشوهت سمعتها أكثر وكثر *** فم تكسر باش تتكلم
لو جا عندها القلب تنتحر *** كيفاش بعد العز تنهزم
عاشت في الطيبة من السكر *** واش طلبت مني نجي عازم 
وأنا معاملها حسن وأكثر *** وهي في الشؤون تتحكم 
منين دخلت الحبس بان الضر *** الحاجة الفايحة كلها تنشم 
شفت عليها منام بعد اظهر *** لقيتها في بحر غامق تعوم 
نضت مخلوع وبقيت نستغفر *** قلت ذا الشي صح ولا حلم 
من ذاك اليوم بقيت نتأثر *** حتى قالو خلاص باعت الخاتم 
حسبتني مت ما نجيب خبر *** تعمل واش بغات ما نعلم 
قالت خلاص دفنوه واستقبر *** اتدفن وراه متردم 
وانسات بلي كاين القادر *** هو لي ما يخاف وما يحشم 
عساس على الناس ينتظر *** المظلوم يغلبو على الظالم 
وأنا بنيتي انزيد ننتصر *** ومن ظلمني للواقع يسلم 
هاكذا يصرا لها لي تعثر *** تتدفن حية وتتردم 

__________________

تابع القراءة Résuméabuiyad

فضيلة mohamed belkhayati

فضيلة 

سيادي أنا سباب عمري فضيلة *** منها راني مريض خايف لا نهبل
أنا كنت زمان زاهي في غلفة *** حتى ضربني ريح جاني متقبل
هذا الزين مقيوم من كل مسالة *** نصبر ولي كاتبة لازم توصل
هب نسيم كبير جاني من القبلة *** غالق الطرقان ليا ومقدل
لكن ذا بشار بعثاتو طفلة *** بعثاتو مرسول جا ليا عاجل
تقدم ومد ليا رسالة *** شديتها وبقيت نقرا ونسول
كي سولتو منين هاذي المريولة *** قال اتبعني يا الخو ليها توصل
اداني رحنا جوالة *** ماني داري بالمحاين كي توصل
كي وصلني نصيب هاذي الغزالة *** تمشي مشي القمام ثم وتزعبل
بانت لي من قريب نخلة تتلالا *** ذاك الشعر الزين طايح متخبل
وحواجبها ظراف والصيفة حالة *** في عينيها تقول جعبات مكاحل
والسيقان ظراف دبلوني دبلة *** يا خوتي سبحان ربي ما فصل
(تتولى) بالقد والباقي حالة *** في زينها يا ناس ( لا تتمثل)

__________________

تابع القراءة Résuméabuiyad

يا الطاير مالك تبكي mohamed belkhayati

يا الطاير مالك تبكي

يا الطاير مالك تبكي واشتا بيك *** عيد لي واش صرالك نعطيك بالي
يا الطاير عاهد ربي ما نآذيك *** شفيتني وبكيت حتى أنا قليل والي
لو نعيد لك همومي يا القمري نسيك *** أنت شتا صرالك في الدنيا كيما صرالي
لا تامن حبيب يا صاحبي يعريك *** دير كالبحر وصفي ويدان الحمالي
يا القمري جيت تبكيني نبكيك *** حتى أنا ضحيت غريب وبعدتني عزالي
لو دير النية ها القمري نربيك *** تربي الجنحة بيهم تطير في العلالي
تربي الجنحة وتفوت على لي سمح فيك *** كلي خدعني أنا وامشى معاه عقلي
تروح يا القمري عند لي متهولة عليك *** لا طولو في الغيبة (حيموت) والي
بعد ما تريح ترجع لي اهنا نوصيك *** تدي الوجاب للبنت لي فاضحة هبالي
كان غرب الحال تبات في الشبابيك *** والصباح تصبح ثما مع غزالي
حط فوق الليسي وارجاها تجي ليك *** تدير ليك السلوم تطلع من السكالي
يا القمري خويا هذي وصايتي ليك *** بعدما تروح لصافية وتجي مولي
لا تخمي قوللها ما زال نبغيك *** ايلا نسيتك يا صافية شتا بقالي
سباب فرقتنا آعمري غي ماليك *** منين درقوك عليا وانتيا قبالي
ذاك الشهر زعما لي قلت فيه نديك *** كانت سباب الفرقة والأجل تالي
نبات ساهر طول الليل نخمم عليك *** الدموع تهوطل والنوم ما حلالي 
ناظم القصيدة بلخياطي انسبها ليك *** طايع الرجال العلما عز راس مالي 

تابع القراءة Résuméabuiyad

المكيدة _ 3 _ راني معلول mohamed belkhayati

المكيدة _ 3 _ 


راني معلول

راني معلول علتي ما تشبه عله *** يا ناس كي ندير ضر قلبي باش نداويه
العبد المعسول صار في المقلة يتقلى *** مكان كي يدير صار متكتف من يديه
نمشو (مالصول) والهموم علي شله *** بكي بدموع من خرج من الحبس نوصيه
نقلو بالله يا الخو روح ضرب طله *** وشوف ولادي وكل واحد منهم رضيه
امهم زبلتها ودارت لهم وحد الزله *** ما بقى لهم حد غير ربي والتكل عليه
وليداتها صغار خلاتهم هملَّه *** احكمها ريح الغرام ما قدرت تسمح فيه
ايلا اسمعت قوال غير ما تشقاش تكذب *** عمرو الدخان لا طلع وما تكونش النار
فكرت وحللت بتحليل مرتب *** الشي لي صرا لي كل خارج من أهل الدار
تطفر فيه غير لي ما هوش مجرب *** ولي مجرب ذاق واروى من ذو للمرار
تعذبنت وما زال في لمحان نحارب *** قليل كي مثلي لي تحمل هذي لخطار
خدعة كبيرة شاب منها يرجع شايب *** ..............................

(خلل في نهاية التسجيل حال دون اتمام كلمات القصيدة)

تابع القراءة Résuméabuiyad

mohamed belkhayati المكيدة _ 2 _

المكيدة _ 2 _

يا آمينة حوسي اسمك *** قولي لأمك مين جبتيني 
بلعداسي ما هوش ذا أصلك *** أصلك على الاسم براني 
اليوم خرجت للصح نعلمك *** ايذا كنت نموت متهني 
في الأول ما نويتش نجرحك *** كنت صابر وحافظ لساني 
ضربتيني بشكة وادخل سمك *** ما نخليش السم يقتلني 
لحقت ساعة وين نفضحك *** ونخليك حديث ومعاني
انتي لي هلكتي نفسك بيدك *** جبتي لعمرك ضر دخلاني
لازملي نعطيك تاريخك *** والي كذبني يواجهني
يام حبس الحراش تشهدلك *** خيرة ذاك العام خدعتني 
ضربها ريح الغرام خطفاتك *** شعال كنت ظان وخيبت ظني 
منين حسيت واكسبت لك خبرك *** بغات بدمعتها تغلطني 
تلمست في بطنها زعذ رجلك *** كي زيرت شوي ركلتيني
جبت الموس وابغيت نجبدك *** نقتلها ونبرد جنوني
لكن الحظ كان في صفك *** أوما نخلعت بكات غاضتني
خافتني نباصي على جالك *** نرجع للحراش من ثاني
قالت يا ولدي استر عرضك *** إذا بغيت الله غير ساعفني
ساعفت والدتي تبنيتك *** خفت دعوة الشر تلحقني
وانهار زدتي رحت سجلتك *** استرتك قلت ربي يخلصني 
منين كبرتي زدت قريتك *** قلت بالاك هاذي تشرفني
حكمك مرض الجلد عالجتك *** اصرفت وما غاضني فاني
ما نجحتيش للخارج ابعثتك *** لو ما نيتي شكون رغمني 
بلي طقت عليه عاونتك *** ما كنت ظان هكذا تخونيني
حتى في سلك الأمن دعمتك *** وين تربصتي يعزوني
شعال دافعت عليك في غيبتك *** عند الناس لي يحبوني
لي يلقاني يقولي بنتك *** راه عندنا كونك مهني
بعدما تخرجتي وجا دورك *** في قبر الأحيا دفنتيني
كلي ما ربيت ما صنتك *** كونكي بنتي ما تخونيني
****
كلي ما ربيت ما صنتك *** كونكي بنتي ما تباصيني
والشرطة خدمو بتحريضك *** ما همش هوما انتي دمرتيني 
يوم جابونا (حجزونا) وافرح قلبك *** تجرتي فيا وبعتيني
حسبتيني ما كنتش فايق لك *** وأنا قلبي عليك خبرني
جيتت تجسي النبض غير في غرضك *** وتقوليلي شعال راك غايضني
غايضني انتا وزايدة مرتك *** لي جابوها معاك بلعاني
شعال كنتي مغلطة ظنك*** كلام فارغ ما ترفدو وذني
ما غاضتك زوجتي ولا غضتك *** انتقمتي انتقام عدواني 
كل ساعة تجي تبردي جنك *** وتجيبي القرودة يشوفوني 
السم القاتل كل من تحتك *** وانتيا هي لي دمرتيني
دمرتي لبرة غير في عقلك *** ديتي ربع يام بلعاني
يا آمينة حوسي اسمك *** قولي لأمك مين جبتيني 
انتقمتو ملي كوات امو *** شوية منها والكثر مني
عملتي خطة باش نعذرك *** ونقول القانون وقفني
السم القاتل كل من عندك *** انتيا هي لي دمرتيني
تعيا السنارة وتجبدك *** ويجيبوك للعرجة نتي ثاني
كيما جابو خوك من قبلك *** لي حرضتيه باش يعصيني
ساعة تطيحي وينهدم ساسك *** تنهزمي كيما هزمتيني 
إذا ربي يحبني يعجلك *** ينتقموا احبابي وعدياني
الرودة تدور تعيا وتقلبك *** ذو وليام ربي يفرحني
بكاو ولادي حد ما شفك *** خمسة جوان ما زال جارحني
نتمنى ندير حرب من أجلك *** ان شاء الله ربي يوفقني
الحرب هو كتاب من أجلك *** يقراه الجمهور يعذرني

تابع القراءة Résuméabuiyad

mohamed belkhayati المكيدة _ 1 _

المكيدة _ 1 _

في فراشي راقد وجا الهم مصادف *** مكتوب ربي مكانش لي كان داري
فتشو لي داري واداوني مساعف *** ضجة اندارت بلخف انطلقو اخبار
واشتا نحكي أنا على عمري واشتا نخرف *** مكيدة نخدمت ما ننساهاش طول عمري
تخطيط أمينة وخاوتها جاب هادف *** صوموني رمضان في الحبس عند كبري
اعطات شهادة للشرطة بشي مزيف *** باصاتني وبكاتني ويتمت الذراري
لو جات صلة الآب فيها تكون عاطف *** ما تهون لي كرامتي ولا تهون قدري
منين جات حاجة محتومة علي مسيف *** مكان ما نقول نوكل لله أمري
شي ما عملتوش ودارتني فيه طرف *** في نهار واحد خربتني وخلات داري
حتى ابن امها واشهد باش يكحلو الملف *** مكانش من استدعاه للشهادة وراح يجري
والله ما خذاش برايهم يا للأسف *** لو جات بيديهم فيا واش راه صاري
يعيا الباطل يراوغ والدهر يكشف *** الحق يرجع ليا ونفرح في انهاري
انسجنت في باطل ربي والناس تعرف *** والله غالب علي ما قريتش حذري
ولكن الصح اجناحو ماهوش قاصف *** يروح ويولي لمكانو كالقمري
لي ما عمل والو عمرو ما يكون خايف *** يقطع البحور ولجبال ويزيد الصحاري
كانو ناويين يخلوني وحدي مجيف *** وأنا الله معاوني نزيد ليه شكري
الشجرة لي زبرولها عرافها تزيد تخلف *** قبل عام تقول لهم ذوقوا ثماري
من دار فيا الشر ما ننسى ولا نتلف *** جرحني بجرح والجرح تخيط راه باري
طحت ونضت وراني ما زل واقف *** انسان حساس وشاعل في القلوب ناري
معروف في كل مكان ومانيش تالف *** والناس تعرفني ايذا كنت ضربت صدري
مانيش عايش كالبقرة غير باش نعلف *** عندي سلا ح لي باش نخلف بيه ثاري
ربي اكرمني واعطاني مخ باش نصرف *** والخير ما يفارقنيش ايلا سكنت قبري
بسيط عايش متواضع مانيش لاهف *** الموت كاينة ندي من الدنيا غير شبري
ولي دمرني للحبس ما عرفش كي تصرف *** راح فيها من خدع باباه ديسباري

تابع القراءة Résuméabuiyad

mohmed belkhayati يا من صابنا نكون ساوى

يا من صابنا نكون ساوى 

يا من صابنا نكون ساوى ** أنا والي فيه نهوى
نجوزو ليلتنا حلوة ** ويطفا ذا المشهاب
اهنا تطلع لي النشوة ** نزها مع ذا الغزال زهوة
غي نشوفها العين تروى ** نبرا من العذاب
جرحتني بجراح قوة ** قلبي من غرامها تكوى
ما قدرتشي يا الخاوة ** فيها زهري خاب
انجرحت وسال دمي ولجراح هوما سباب غرامي
جرحني يا ناس همي ** قاتل وغدار
( جرحني يا ناس سمي ** قاتل وغدار )
يا طير تدي لها سلامي ** فهمها معنى كلامي
قول لها يا بنت عمي ** قتلوني لضرار
راني شفتك في منامي ** كليتي وكليت من طعامي
ومن بعد صبت الخوخ رامي ** في صدرك احمار
آجي عندي وصارحيني ** وعلى سرك فهميني
وعلاش راكي معذبتني ** وأنا نعشق فيك
عشقتك ربي بلاني ** بسبابك كثرو محاني
تبعتك وشتا داني ** وغلطوني عينينك
راهو عاشق فيك جني ** بسبابك كثرو محاني
راني بين يديك
راهو عاشق فيك جني ** باسمك في قلبي نغني
حنيني يا لغزالة حني ** راني بين يديك
ما ننساكش طول عمري ** إذا نهار سكنت قبري
ويلا مت يجيك خبري ** وتقولي مسكين
عييت صابر طال ضري ** ما ينفع حتى دوا لضري
نتفكر غير فيك

تابع القراءة Résuméabuiyad

يا طير روح بعيد mohamed belkhayati

يا طير روح بعيد

كتبت يوم 10 فيفري 1983م
يا طير بالله روح بعيد ** سلم على ضو عينيا
قول لها الملقى نهار العيد ** ان شاء الله ربي يكمل المنية
بعد الفراق يكون حب جديد ** نستقبلك مثل هدية
ذاك اليوم يكون يوم سعيد ** ملقانا بلفراح والنية
***
يا طير بالله روح بعيد ** سلم على ضو عيني
قول لها الملقى نهار العيد ** ان شاء الله نتلاقو بالنية
**
توحشتك وبغيت ليك نعيد ** نحكي لك شي سرار خفية
نحكي لك ما صار بالتأكيد ** كي تولي قدام عينيا
***
يا طير بالله روح بعيد ** سلم على ضو عينيا
قول لها الملقى نهار العيد ** ان شاء الله ربي يكمل المنية
***
قول لها وعلاش يا عمري ** راكي جافيتني بلا سبة
نحكي لك ما جرى في عمري ** نسيتيني ونكرتي المحبة
نحكي لك ما شفت بأمري ** نسيتي ونكرتي المحبة
****
يا طير بالله روح بعيد ** سلم على ضو عينيا
قول لها الملقى نهار العيد ** ان شاء الله ربي يكمل المنية
***
ما كنتش ضان علي تخدري ** وتهزك لرياح كالقصبة
يا طير بالله روح بعيد ** سلم على الغزال نادية 

تابع القراءة Résuméabuiyad

▶ Mohamed BelkhaYaTi | kamel lkhsayel | يا كامل الخصايل

▶ Mohamed BelkhaYaTi | kamel lkhsayel | يا كامل الخصايل 

تابع القراءة Résuméabuiyad

▶ Mohamed BelkhaYaTi | Ya lghzala kamli | يا الغزالة | كملي الكاس معايا|

▶ Mohamed BelkhaYaTi | Ya lghzala kamli | يا الغزالة | كملي الكاس معايا| 

تابع القراءة Résuméabuiyad

منشور بالغ الأهميّة mohamed belkhayati

السلام عليكم ورحمة الله أحبتي الكرام ،أصدقائي الأعزاء ، أعضاء صفحتي الكرام ..
أتوجه لكم اليوم عبر صفحتي وصفحتكم ،، بمنشور بالغ الأهميّة ،، أرجو أن تتلقفوه بصدر رحب وأن تصبروا على قراءته للآخر .. وأن تتفاعلوا معه و أن تشاركوه على أوسع نطاق .. من أجل أن تساعدونني في تصحيح تاريخي ومواقفي الإنسانية والفنيّة التي يسعون لتشويهها بكل الطرق .. عن قصد أو عن دون قصد ..
لطالما سمعت عن إنتهاكات الصحافة .. وطالما عانيت منها .. و في كل مرة كنت أخذل من طرفهم ..كنت أعد نفسي بالحرص الشديد وعدم الوقوع في فخ الأسئلة المروّجة لمبيعات الصحيفة مهما كانت.. وفي كل مرة كنت أخطئ ..والحقيقة لا أعتبره خطأ بل حسن الظن بأشخاص مثقفين حاملي رسالة الحقيقة ..
في الأسبوع الماضي أجرت صحيفة الحوار اليومية حوارا مطوّلا معي ..وكنت الحقيقة سعيد جدا به ..إرتحت للصحفي الشاب الذي أجرى معي الحوار ..لما إلتمست فيه من أخلاق ورزانة .. و في 31/03/2015 صدرالحوار.. ولما قرأته صدمت .. ونديّ جبيني ..ونفس الشي بالنسبة لأسرتي وأبنائي .. لأن الحوار المنشور أتى بغير الحقيقة ..وكان مغايرا تماما لكل ما قلته بنسبة 90بالمئة ..وإني والله أتساءل ما الجدوى من مثل هذه التصرفات اللامسؤولة ..ما الجدوى من تزييف الخقيقة و إلباسها لباس الباطل ..؟؟ وضرب الاشخاص بعضهم ببعض ؟؟ هل لهذه الدرجة تهون المبادئ والقيّم ..؟ فقط من أجل ربح بعض الآلاف ..؟ إذا كان هذا هو ثمن الثقة .. فأنا والله أرخس مما ظننت ..
أصدقائي الأعزاء ..جمهوري العزيز ..أبنائي ..وأبناء فكري وزملاء مهنتي .. : إسمحوا لي أن أصحح الباطل المجحف الذي أريد به الحق .. في الحوار الملفق الذي نشر يوم 31/03/2015 بجريدة الحوار ..
- أولا : لقد كتب المحرر أنني أتبرأ من إبني الغير الشرعي الذي دخل الساحة الفنية.. فهذا إدعاء كاذب لا أساس له من الصح لأنه ليس لي إبنا غير شرعي في الساحة الفنية .. أنا لديّ أبناء معروفين في الساحة ..محمد صالح بلخياطي .. ومروان بلخياطي مؤديان .. وسيدعلي بلخياطي مؤلف كلمات ..وهؤلاء هم أبنائي وأنا لا أتبرأ منهم أبدا ,, على العكس أقف دوما وراءهم و أشجعهم ..وأنا أستغرب حقا كيف راودته هذه الفكرة وتجرأ عليّ وعلى أبنائي وسولت له نفسه بكتابتها ..وأني أثق في تفهم أبنائي لهذه الفتنة التي من شأنها أن تعصف بالعلاقة المقدسة التي بيننا .. ولهم حق المتابعة والرد على هذه الجريدة ..
- لقد ورد أيضا في الحوار أنني أكره الحاج رابح درياسة وأفضّل عليه الزهوانية ..وهذا لم أقله أبدا .. وإني أؤكد من مقامي هذا بأنني لا أحمل للحاج أي شعور من الكره وكلمة الكره لا تليق بأن يذكرها فنان على صفحات الجرائد ..أنا أحترم الحاج رابح درياسة وأعتبره من الفنانين الكبار الجزائريين الذي قدموا للفن الجزائري ولتراثه الأصيل الكثير الكثير .. وبالنسبة للزهوانية فأنا لم أكلمها ولا مرة في حياتي ولم أذكرها لا بخير ولا بشر .. قلت فقط أن زوجها السابق هو صديق لي ..وبالنسبة لفنان خليفي أحمد فكل ما ذكرته أنني لم تكن لي علاقة به ..وأول لقاء بيننا الأول والأخير كان في جنان الميثاق في إجتماع للديوان الوطني لحق التأيف والحقوق المجاورة مع الوزير السابقة ..ولم أزد على هذه الكلمات حرفا ..
ثالثا : أما بخصوص أغنية شوف الحقرة شوف : ذكرت دون زيادة أو نقصان أن الأغنية كتبتها ضد الفنانين الذين يعتدون على ملكيتي الفكرية والأدبية .. دون أن يشرّع قوانين صارمة تحمي الفنان من الاعتداءات وانتهاك حقوقه .. كنت قد سجلتها لفائدة مؤسسة مفتاح سنة 2003 .. والشاب عزالدين الشلفي قد إفتبس العبارة الإشهارية بالإغنية " شوف الحقرة شوف" من أغنيتي وبنى عليها أغنيته وحد الوالي راه في بلادنا .. وقد تمت متابعته قضائيا ..وصدر حكم ضده وضده منتج الالبوم فراترنال أنذاك .. ولست هنا لمحاكمة أحد أو تنصيب نفسي قاضيا على أحد .. وقد قلت أن عزالدين غنى ضد مسؤولين محليين .. وأن الاغنية نسبت لي و الواقع غير ذلك .. ..
"" لقد تكلمت عن السيد بوتفليقة كلاما موجزا ولم أذهب في مدحه بعيدا كما ذكر الصحفي ..أنا فقط شرحت له سبب كتابتي للشريط الذي ذكرته فيه .. باعتباري كنت وقتها مسجونا وقد أعفى المساجين الرياضيين وإستثنى الفنانين ..لكن الصحفي لم يذكر ذلك وراح يصوّرني شياتا .. الحمدلله أن لي جمهور يعرف من هو محمد بلخياطي ويعرف تاريخه ..ويعرف أنه لم يكن يوما شياتا .. و كل مسؤول يشهد لي بذلك قبل غيره ..
"كل ما قلته أن بوتفليقة عرفته من خلال كتاب المجاهد الطاهر زبيري الذي ذكره بخير .. وقد تأثرت كثيرا عند قراءته .. وتمنيت له الشفاء العاجل "
" أما بخصوص الصحراء الغربية فكيف أسميها دولة والأمم المتحدة لم تعترف بها كدولة ..؟ فأي غباء صوّرني به هذا الصحفي او من وراءه .؟
أنا ذكرت وبالحرف أن لنا تاريخ في المنطقة طويل يعطي لكل ذي حق حقه .. ولم أزد على هذا حرفا .. وبخصوص الفنان رضا الطلياني فأنا لا أعرفه ..ولست على إطلاع بما حدث له ..حتى أكون معه أو ضده وهذا هو الواقع فعلا ..
"وقد أثارت حفيظتي جملة إستفزتني كثيرا ولم أذكرها أبدا وما كنت لأقوله أبدا .. الشلف بلد الكذب والفن الركيك .. أن الشلف هي بلدي الأم .. ومنها كانت انطلاقتي للفن والشهرة .. ومنها إكتسبت جمهور وصنعت إسما .. فكيف أذكرها بسوء ؟؟؟ وأنا مازلت أبكيها وأكتب فيها القصائد والألحان ..هل يا ترى كان فني كذبا ..؟ هل كنت أنا كذبة ..؟؟ .. وكيف يكون فنها ركيكا وأنا إنطلقت منها ..والشيخ بوراس .. والمقراني .. والشيخ بن قدّة و الشيخ بوطبل وسي امحمد المجاجي والشيخ العامري ( عمروس) .. غيرهم من فطاحل المشيخة ..وهاهم أبنائي ينطلقون منها الان ..
.. أنا قلت أن بعض فناني الغرب لا يرتقون لمستوى فنان .. ولا يمتلكون أخلاق ولا فنهم يعتبر فن .. هذا ما قلته بالضبط ولم أحدد أي مدينة ..
.. ذكرت السيد كمال رشيدي ليس كونه فنانا أعطيته قصائد ليغنيها بل كرئيس جمعية ثقافية ..يهتم بالمواهب الشابة .. قدمت له 134 قصيدة ليعطيها لمن يهمه الأمر ..من الشباب .. ليحفظ القصائد ويؤديها ..
..وبخصوص عزالدين الشلفي أنا لم أذكره بأي سوء وكيف أفعل وقد أصدر مؤخرا ألبوم مع إبني محمد صالح عن مؤسسة نجوم الونشريس ..إن كل ما ذكرته عنه لم يتعد مجرد تعليق على أغنية شوف الحقرة شوف ..فكفاكم صيدا في المياه العكرة ..
أنا ليس لي غير عدوين لا ثالث لهما ولا اتذكر انني كرهت او اضمرت حقدا للاحد غيرهما وحدهما من اتذكر على الدوام إساءتهما لي وساحتفظ بها واذكرها للتاريخ وهما غبد القادر بوسنة المدعو بوقربة و يلعداسي سيداحمد الموقوف حاليا بالمؤسسة العقابية ،،

أرجو ان اكون قد بلغت رسالتي لجمهوري الذي يهمني في أول المقام .. ولكم مني كل عبارات الحب .. وشكرا لانكم دوما موجودون لدعمي ..
محبكم الشيخ محمد بلخياطي ..

تابع القراءة Résuméabuiyad

التالي تالي دايمن يبقى تـالي mohmed belkhayati

السلام عليكم ورحمة الله ,,,‫#‏أحبتي_الكرام_أبناء_فكري_أعضاء_صفحتي_الأعزاء‬ ,, أحييكم في هذه الأمسية السعيدة أملي وأتمنى لكم قضاء أفضل الأوقات وأعتذر كثيرا لغيابي عنكم هذه الأيام لأنني مرتبط بعمل هام وهو إعادة تنظيم كل مصنفاتي لدى الديوان الوطمي لحق التأليف والحقوق المجاورة ،،، ولكنني حريصا على تواجدي بينكم وأسرق من الزمن وقتا لأكون فيه بينكم وهذه منتهى سعادتي ،،، 

** ‫#‏في_خاطر‬ كل الأصدقاء في كل مكان ،،، " أبيات من قصيدة :‫#‏أحسبتوني_خلاص_خليت_المقام_‬""...

التالي تالي دايمن يبقى تـالي ...يجري ورا الفرسان والآخر يشنق
الشي الي انويتوه كل راهو في بالي ...اتفقتو غير باش كرفتكم تندق
مازالكم عايشين لبدا في ظلي ...ونقسم بالله حد منكم ما يلـحق
من تبع جرتي غير ضنيتو مبلي ...راه يخلط من كـلامي ويلصق
وانا انقولو روح تسرح يا عكلي... غني للجديان والمعيز اتصفق
أنا عبد صحيح نكره النمام ...وأمخلي قدري مقدر حد قفاه
مانيشي سخاف ما نقبل حمّام ...ندي حق ما أطلبت والصرف لمولاه
معلي قدري مغلي في لسوام ...يعرضني غير الي بطل واه أو واه
شاد الطريق صحيح ومكسر لفوام...والعبد الي رخيس قلبي ما يرضاه
انشاالله نبقى هاك على طول الدوام..طريق العز من القلب عمري ما ننساه
باقي راجل دايمن راسي مرفوع ...وأمخلي الجراوين تكدد في لعظام
اشربت من كل علم مانيشي مخلوع ..والناس أهل العقول تعرف معنايا
يعرفوني الكل شاعر او مشنوع ...خليت شي تاريخ يهدر بشنايا
كلامي فالوطن والخارج مسموع ...والحمدلله ذا حد كفـايا
لقطو يا الي راه قاتلكم الجوع .. واسرقو كليمات من شعر غنايا
أمخلي الجراوين الي يعاودو لنظام ...ألي نرميلو طـرف يفرح او يلقاه
الي ايكدو هوما الي يعاودو لنظام ...يبغو يزوخو كثير ويحبو لنزاه
...
محمد بلخياطي ..

تابع القراءة Résuméabuiyad

يالشمعة واش بيك تبـكي mohamed belkhayati

السلام عليكم ‫#‏أصدقائي_الأعزاء‬ ‫#‏أبناء_فكري_أعضاء_صفحتي_الكرام‬..

هديّة خاصة للصديق ‪#‎Abdellah‬ Hayhay ...
هذه القصيدة مستوحاة من واقع معاش .. ألفتها في ظرف من أسوأ الظروف التي مرت بحياتي .. هديّة للذين يفسرون المعاني جمهوري العزيز ...
...........
يالشمعة واش بيك تبـكي .... بالله عليك خبرينـــــــي
قالت ما بقا واش نحــــكي .....الخيط ألي داخلي أحرقنـي
راني بيه لله شــــــــــاكي......يهلكو كيما أهلكنــــــــــــي
الشكوى هي ســـــلاكي....أو من أخدعني ما يعيـش هاني
أنكاكي جيراني أنــــكاكي.... يلحقهم ألي ألحــــــــــــــقني
أضحكي يا جارتي أضحكي.....والضحك من بعدو أتــــــــعاني
يالشمعة واش بيك تـبكي ...بالله عليك خبريــــــــــــــــني
قالت أنا كنت شمعة شمعة....و أتضوي على من حبّ ضــوّي
والناس حابتني بطاعـــــــة ......في داخلي كان خير قــاوي
واليوم آشوفو الساعـــــــة ...الخيط من أدموعــــــي راه راوي
أخدعني و اضربني ابصفعـة....أرخست من بعد كـنت ساوي
كانت عندي أزمان شيـــعة.....نفعل أشتا كـــــــــنت ناوي
أو جاني سمّ من راس لفعة .... أهلكني ما بقا أنــــــداوي

تابع القراءة Résuméabuiyad

الدراهم أيسجو الجايح ..mohamed belkhayati

السلام عليكم أحبتي ورحمة الله ،،، هديتي لكم في هذه المساء ...

....

الدراهم أيسجو الجايح .. 

الدراهم أيسجو الجايح ...ويقدمومن كان سارحبالمال تنستر الفضايح... غير كلي مكان والوالدراهم أيوفو الكلما ..... بيهم تتعلا القيما
وأيحلو عينين لعما ...... يضحا غاير من خيالو
الدراهم أيفطنو الغافل ...ويفكو من كان حاصل
بالمال كل عكلي أسترجل..فالحين يتبدلو أحوالو
حتى تقول ماهوش هوا.....كلي ما أرفد ما أتحوا
فالحق تبقا فيه نكوا ....... ما تدرقشي من قبالو
الدراهم أيطورو الحالا ...... مولاهم مالفراغ يملا
يشري واش يحب جملا ...سعد ألي ربي أعطالو
الدراهم يسقمو البنادم ....ويفطنو من كان نايم
يصحا بعد ألي أمغيّم ..... يتفاجا القلب من علالو
الدراهم يسقمو العوجا ...... ويزيدو للعبد درجا
يغرس اليابسا او تسجا.....بيهم عيطا أرخاس نالو
الدراهم يجبرو المكسر .....يطلب واش يحب يحضر
وألي ما عندوش قاصر ...... مسكين تقطعو احبالو
الدراهم أيقرو الجاهل ........يضحا وين يحب يوصل
يصبح في أول المرايل .....عيطا ارخاس بالمال جهلو
..
كلمات والحان محمد بلخياطي ...

تابع القراءة Résuméabuiyad

إخوتي وجمهوري العزيز بالمغرب الشقيق mohamed belkhayati

أحبتي الأفاضل ،،أعضاء صفحتي الكرام ،، أصدقائي الأعزاء،، إخوتي وجمهوري العزيز بالمغرب الشقيق :السلام عليكم ورحمة الله تعالى وبركاته ،، لقد وعدت أشقائي وجمهوري في ميسور بقصيدة أؤلفها خصيصا لهم وذلك لما لقيته منهم من حفاوة الترحاب وحرارة الأستقبلال ،،والحب الكبير الخالص الذي إلتمسته فيهم والذي مهما عبرت عنه أبقى مقصرا ،، أهدي هذه القصيدة لكل المغرب الشقيق وكل أهلنا وأشقائنا هناك سيّما سكان ميسور ..هذه القصيدة التي انشرها هنا حصريا لكم يا جمهوري الكريم وأحبتي الأعزاء.. ستكون هي وغيرها ضمن ألبومي الجديد 2015 ان شاءالله ..أرجو أن تنال إعجابكم ورضاكم ودمتم لي ... تحية خاصة لأبن فكري مهياوي عبد القادر 

تابع القراءة Résuméabuiyad

محمد بلخياطي | الاصنام | باعو فيك وشراو خونة| BelkhaYati lasnam

إلى كل شخص تربطه بي علاقة أخوية ومحبة في الله ..أسأل الله القادر المقتدر ..الذي فجر الماء من الحجر..وجعل في الأفاق أيات" وعبر ..أن يمنّ عليكم بعافية ما بعدها ضرر.. وأن يرزقكم نعيمآ ما بعده كدر.. وأن يجمعكم ووالديكم وأولادكم ومن تحبون بجوار خير البشر..في مقعد صدق عند مليك مقتدر .. وأن يبلغكم (رمضان )
وأنتم ومن تحبون في أسعد حال..وأن يوفقناإلى صيامه وقيامه وأن يبارك لنا فيه ويتقبله منا ..

تابع القراءة Résuméabuiyad

في محل ابني سامي رفقة الصديق الحميم وابني فكري عبدالقادر mohamed belkhayati

في محل ابني سامي رفقة الصديق الحميم وابني فكري عبدالقادر .. — ‏في ‏ولاية الجزائر‏.‏

تابع القراءة Résuméabuiyad

قصيذة ياربي يا خالقي راني مضلوم

قصيذة ياربي يا خالقي راني مضلوم

تابع القراءة Résuméabuiyad

أغنية زلزال الأصنام .. أغنية واقعية..أديتها مع إبنتي mohamed belkhayati

أغنية زلزال الأصنام .. أغنية واقعية..أديتها مع إبنتي " نبية " كتبتها ونشرتها إثر النكبة التي ألمت بمدينة الأصنام " الشلف حاليا " في العاشر من أكتوبر سنة 1980 ..أهديها خصوصا للأخ ‪#‎Nacer‬ alim الذي ألح في طلبها ..وشكر خاص للمشرف الثاني على الصفحة عبدالقادر .

تابع القراءة Résuméabuiyad

السيدالمدير العام للديوان الوطني لحق التأليف والحقوق المجاورة.. mohamed belkhayati

السيدالمدير العام للديوان الوطني لحق التأليف والحقوق المجاورة..
في كل مرة كنت ابارك أي خطوة يتخذها الديوان الوطني لحق التأليف ،وأنا أضع كامل ثقتي في مؤطريه بان ما يسعون إليه هو خدمة لمصلحة المؤلف العضو ومصلحة الثقافة بصفة عامة ،وكنت دوما من المدافعين ومن المنحازين للمؤسسة ولمصلحة الفنان..طالما سهرت الليالي الطوال على حساب صحتي ور احتي أكتب الخطابات والعرائض الطويلة للمسؤولين ،دفعتني غيرتي على المؤسسة ورغبة مني في بقاءها رمز للثقافة في بلادنا،وكثيرا ما كنت ألام أعاتب لأنني عضو لحوح ،حريص على الخوض في كل نقطة تخص المؤسسة ..
واليوم سيدي المدير أقف أمام مهزلة تاريخية وثقافية ،والمطلوب مني الموافقة عليها ومنح صوتي تكريسا لها على أرض الواقع ،،اليوم يسعى المسؤولون بالديوان الوطني لحق التأليف والحقوق المجاورة ،،لتجديد المجلس الإستشاري للمؤسسة ،،وسعيت لمباركة هذه الخطوة الهامة التي من شأنها أن تقرّب العضو من ديوانه وتسهل خدمته وطرح انشغالاته ،باعتبار أن أعضاء المجلس ومسؤوليه سيكونون من الأعضاء أنفسهم،،لكن الطامة الكبرى أن كل الوجوه الفنية والثقافية المعروفة والتي لها صيت وثقل في الساحة ولها خبرة صقلتها سنوات العطاء منذ أن كان الديوان الفرنسي الراعي الرسمي للعضو والفن في بلادنا قبل انشاء الديوان الحالي ،،كل تلك الوجوه غيّبت وتم تجاوزها ،،أمثال الفنان رابح درياسة ،ومحمد المازوني ،ومحمد وجدي،محمد بلخياطي ،عبده درياسة ..وغيرهم من الفنانين،،ورشحت أسماء جديدة على الساحة الفنية وأعضاء جدد لرئاسة هذا المجلس وإدارته يمثلون الفنانين الأصليين والسباقين للساحة وللديوان،،فبالله عليكم كيف يمكن للجهل أن ينير طريق العلم ،،وقل هل يستوي الذين يعلمون والذين لا يعلمون ،،صدق الله العظيم،،كيف يمكن لجاهل أميّ أن يمثل مثقف متعلم ؟؟؟في أي دستور هذا وفي أي دولة متحضرة حصل ،،انها سابقة خطيرة لم يسبقنا إليها أي من الفنانين في أي دولة أخرى ..وأتساءل كيف غاب عن ذهنكم سيدي المدير مثل هذا الأمر الهام،وسمحتم بحصوله ولم تراعوا هذه النقطة الهامة وأنتم تسعون لوضع شروط الترشح لعضوية المجلس ؟؟كان جديرا بكم أن تشترطوا الشهادة التعليمية والمستوى الثقافي ،،ومن ثم الشروط الأخرى،،أنا بصفتي فنان عضو بالمؤسسة ومن ركائز هذا الديوان أرفض رفضا قاطعا أن يمثلني شخص جاهل لا يفرق بين الألف والعصى ولا يعرف على ماذا سيمضي وما سيناقش،،وأتساءل بأي اسلوب ويأي صيغة تتواصلون معهم ،،أنا ومن ورائي ثلة من الفنانين ،،نرفض رفضا قاطعا أن يمثلنا مثل هؤلاء الأميين ،،أمثال عبدالكريم مصباحي ويرأس مجلس استشاري يعنى بالفنان وحقوقه،،إننا في عصر التكنولوجيا سيادتكم والبنوك المعلوماتية ومواقع التواصل الاجتماعي والوتساب والفايبر والتانجو والإنستجرام والتويتر،،فكيف يمكن لأميّ لا يفقه في الحروف الأبجدية أن يمثل الفنانين في هذا العصربربكم..
راجعوا قراراكم سيدي ،،وعدلوا من شروط الترشح وان استدعى الأمر إلغاء هذه الانتخابات المهزلة حتى إشعار آخر لنجد أشخاص أهلا للمنصب نصوت لهم ونباركهم ليمثلونا ويكونون أجدر بحماية حقوقنا وتمثيل الثقافة حقا..في كل جهة من الوطن،،وعلى مستوى كل الوكالات الجهوية،،وحبذا لو يتم إلغاء التصويت بالوكالة لأكثر من شخص،،لأن بهذه الوكالة يتم التلاعب بالأصوات ،،التي تم شراء الموكل الذي يمثل أكثر من عضو،،وتم تقدير قيمته بكمية الوكالات الحائز عليها لتمثيل أصحابها،،سيّما في وكالة مستغانم والمديرية الجهوية بوهران وقسنطينة..
ولكم واسع النظر وتقبلوا فائق الاحترام.
نسخ من الرسالة للمسؤولين المعنيين بالثقافة:
- السيد رئيس الجمهورية 
- معالي الوزير الأول.
- معالي وزيرة الثقافة 
- معالي وزير الاتصال وتكنلوجيا المعلومات

تابع القراءة Résuméabuiyad

رخست قيمتو في وقتنا , mohamed belkhayati

لبنان او رخست قيمتو في وقتنا ,,, هكذاك راهو صاري للورد بو روايح
حصراه كي كان بقيمتو او شانو شنا ...واليوم رخست قيمتو فالسوق راه طايح

تابع القراءة Résuméabuiyad

القصيدة واقعية مستوحاة من واقع عشته mohamed belkhayati

القصيدة واقعية مستوحاة من واقع عشته مر عشته عندما كنت مسجونا وقد شبهت السجن بالموت اعتبرت نفسي دفنت ورايت بأم عيني ماكان من ردة فعل لأشخاص كنت أعتبرهم الأقرب لقبي لكن للاسف خاب الظن وما ان دفنت في مقبرة الأحياء حتى فروا مني وتخلوا عني وتنكروا لوجودي ،وهناك أشخاص أثبتوا صدقهم ووفائهم ووقفوا بجانبي وقفة مازال يذكرها لهم تاريخي كالمذكورين في هذه القصيدة ،،
واقعية

تابع القراءة Résuméabuiyad